Ano nga ba ang pakiramdam kapag nakakatulong
ka sa kapwa mo? Meron ka bang nararamdaman? Madalas ka bang tumutulong sa kapwa
mo? Pagtutulungan ay daan sa pagkakaisa ng bawat mamamayan. Pagtulong sa kapwa
ay mabuting gawain kung taos-puso mo itong ibibigay o maglilingkod. Masarap at
magaan sa pakiramdam na nakakatulong ka. Tumutulong na walang hangad na
kapalit, hangad lang na mapasaya at mapagaan ang pakiramdam ng ating kapwa. Dito
natin naipapakita ang ating pagka-Pilipino, pagkamaawain at pagmamalasakit
kahit na kaunti lang ang iyong binigay ay nakakatulong ka pa rin.
Ngayon na nangyari ang pagsalanat ni bagyong
Yolanda na nagdulot ng malaking pagkawasak ng kanilang tahanan, wala ng makain
at lalong-lao na, namatay ang kanilang mga kamag-anak. Tulongan natin silang
makabangon muli. Sa pamamagitan ng pamimigay ng pera, pagkain, lumang damit,
medisina at iba pa na makakatulong sa kanila. Meron nga tayong kasabihan na
mabuti pangmamigay kaysa tumanggap. Magkaisa sa pagbibigay ng kanilang
pangangailangan. Ipakita natin ang espiritu ng pasko at ang pagka-Pilipino na
walang iwanan sa panahon ng kagipitan. Kapag nakita mo ang mga ngiti ng mga
taong tinulungan mo ay sulit ang pagtulong mo. Mga ngiti nila na hindi
mapapantayan ng ano man. Ang tunay na pagtulong ay hindi ipinagmamalaki ,hindi
ipinagkakalat sa mga tao. Kung magkanong halaga ang ibinigay dahil kung ganun
ay di tapat ang pagtulong mo. Bagkus ikaw ay nagyayabang. Nagmamayabang ka na
angat ka sa iba, mas mayroon kang kakayahan. Magbigay ng maitutulong sa
nangangailangan. Kung tunay kang tumutulong dapat nung panahon na kailangan ng
tulong ay naroon ka sa kanila handang ibuwis ang buhay maisalba lang sila. Tumulong
ka ng naaayon. Hindi dahil nagkakaroon lang ng kalamidad mas hahangaan ka kung
iyon ang gagawin mo dahil iyon talaga ang may malasakit sa kapwa. Pagiging
kapwa tao ay natural na sa ating mga Pilipino nasa dugo na natin ito. Magkaisa
sa muling pagbangon ng Pilipinas.
